Демонстрациялық емтихан — WorldSkills (Ворлдскиллс) талаптары бойынша нақты қызметтер мен өндірістік процестерді модельдеу жағдайында практикалық дағдыларды, білім мен дағды деңгейін көрсету және тәуелсіз сараптамалық бағалау рәсімін көздейтін ТжКБ ұйымдары түлектерінің біліктілік емтиханын және/немесе қорытынды аттестаттауын өткізу нысандарының бірі.
WorldSkills (Ворлдскиллс) талаптары) — бұл құзыреттер бойынша стандарттардың ерекшеліктеріне сәйкес кәсіби шеберлікті бағалауға негізделген іс-шараларды ұйымдастыру және өткізу рәсіміне Worldskills Kazakhstan Бас Ассамблеясы белгілеген және бекіткен қағидалар мен талаптардың, сондай-ақ білім беру саласындағы уәкілетті орган және/немесе Worldskills Kazakhstan Ұлттық операторы бекіткен өзге де құжаттардың жиынтығы.
ДЕМОНСТРАЦИЯЛЫҚ ЕМТИХАН ФОРМАТЫ
➣ Түлектердің практикалық дағдыларын, білім деңгейі мен іскерлігін бағалау
➣ Бақылау-өлшеу материалдарын сарапшылар әзірлейді
➣ Колледждер және/немесе жұмыс берушілер шеберханалары негізінде нақты қызметтер мен өндірістік үдерістерді модельдеу жағдайында практикалық дағдыларды, білім деңгейін көрсету
➣ Практикалық дағдыларды көрсету ұзақтығы бір студентке күніне 6 сағаттан аспайды (формат бойынша 3 күнге дейін)
➣ CIS жүйесіндегі нәтижелерді бағалау және EDUWSK қолдану
➣ Құзыреттілік паспортын беру (Skills Passport)

ДЕМОНСТРАЦИЯЛЫҚ ЕМТИХАННЫҢ НЕГІЗГІ ҚҰЖАТТАРЫ: БАҒАЛАУ ҚҰЖАТТАМАСЫНЫҢ ЖИЫНТЫҒЫ (КОД)
➣ Демонстрациялық емтиханға арналған тапсырмалардың техникалық сипаттамасы
➣ Инфрақұрылымдық парақтар
➣ Емтихан тапсырмасы
➣ Бағалау критерийлері
➣ Еңбекті қорғау және қауіпсіздік техникасы бойынша құжаттар
➣ Қорытынды аттестаттау ХАТТАМАСЫ

ДЕМОНСТРАЦИЯЛЫҚ ЕМТИХАН ДЕГЕНІМІЗ НЕ?
➪ Демонстрациялық емтихан-жаңа форматтағы қорытынды аттестаттау
➪ Демонстрациялық емтихан — жаңа форматтағы біліктілік емтиханы.
➪ Демонстрациялық емтихан — бітірушілерді даярлау сапасын тәуелсіз бағалау моделі (сертификаттау)

НОРМАТИВТІК БАЗА
➙ Қазақстан Республикасында білім беруді және ғылымды дамытудың 2020 — 2025 жылдарға арналған мемлекеттік бағдарламасы;
➙ МЖМБС(Қазақстан Республикасы Білім және ғылым министрінің 2018 жылғы 31 қазандағы № 604 бұйрығы);
➙ Орта, техникалық және кәсіптік, орта білімнен кейінгі білім беру ұйымдары үшін білім алушылардың үлгеріміне ағымдағы бақылау, аралық және қорытынды аттестаттау жүргізудің үлгілік қағидалары (ҚР БҒМ 18.03.2008 ж. №125 бұйрығы);
➙ Демонстрациялық емтиханды ұйымдастыру және өткізу жөніндегі әдістемелік ұсынымдар (сайт worldskills.kz).

ЖАЛПЫ ЕРЕЖЕЛЕР
Бағалау құжаттамасының жиынтығы (КОД- Комплект оценочной документации) — демонстрациялық емтиханның тиісті өткізілуін қамтамасыз ететін құжаттар пакеті, оған мыналар кіреді: құзыреттің техникалық сипаттамасы, инфрақұрылымдық Парақ, бағалау критерийлері, емтихан тапсырмалары
Техникалық сипаттама- дэ жүргізудің негізгі ережелерін анықтайтын құжат, оған мынадай бөлімдер кіреді: құзыреттің атауы, WorldSkills (WSSS) стандарттарының ерекшелігі және/ немесе салалық кәсіптік стандарттар (WSSК), бағалау стратегиясы, емтихан тапсырмасына қойылатын негізгі талаптар, емтихан алаңының схемасы, материалдар мен жабдықтардың тізбесі, еңбекті қорғау және қауіпсіздік техникасына қойылатын талаптар.
Инфрақұрылымдық парақ — демонстрациялық емтихан өткізу үшін қажетті жабдықтардың, құралдардың, шығын материалдарының, жиһаздың, кеңсе керек-жарақтарының және басқа да заттардың тізімі.
Емтихан тапсырмасы-демонстрациялық емтихан өткізуге арналған практикалық тапсырмалар нұсқаларының N санынан тұратын жиынтық.
Бағалау критерийлері-емтихан тапсырмасын орындау кезінде сарапшылар қатысушылардың біліктілігін анықтайтын көрсеткіштер
Рөлдер (әдістемелік ұсынымнан үзінді)
Сарапшы-ұйымдастырушы (Эксперт-организатор) -WorldSkills чемпионатының Ұлттық операторында оқытудан өткен, CIS жүйесінде ұйымның және Supervisor бұйрығымен тағайындалған, WorldSkills Kazakhstan тиісті құзыреті бойынша кодты әзірлеуге және көрсету емтиханын өткізуге жауапты тұлға.
Техникалық сарапшы — Жабдықтың техникалық жай-күйіне және алаңға қатысқан барлық адамдардың еңбекті қорғау және қауіпсіздік техникасы қағидалары мен нормаларын сақтауына жауап беретін сарапшы.
Комиссия (сараптама тобы) — демонстрациялық емтихан өткізетін ұйымның бұйрығымен тағайындалған, емтихан комиссиясының төрағасын қоса алғанда, кәсіпорындардың кемінде 3 қызметкерінен тұратын және белгілі бір құзырет бойынша демонстрациялық емтихан тапсырмаларының орындалуын бағалау үшін құрылған емтихан алушылар тобы.
Уәкілетті ұйым — өңірде демонстрациялық емтиханды ұйымдастыру және өткізу үшін жауапты болып айқындалған ұйым.
Үйлестіруші — демонстрациялық емтиханды дайындау және өткізу шеңберінде WorldSkills ұлттық қозғалыс операторымен барлық үдерістер мен өзара іс-қимыл үшін жауапты уәкілетті ұйымнан жауапты тұлға.
Білім беру ұйымы (өтініш беруші) – көрсету емтиханы түрінде ТжКБ ұйымдарының түлектеріне біліктілік емтиханын және/немесе қорытынды аттестаттау өткізуді таңдаған колледж.
Еріп жүретін адам (Сопровождающее лицо) — емтихан алушылармен бір білім беру ұйымын білдіретін адам, оның міндеті емтихан тапсырушыларға ілесіп жүру және емтихан тапсырушылармен туындауы мүмкін проблемаларды жедел шешуге жәрдемдесу болып табылады.

Кезеңдері
1. ДЭ ЖҮРГІЗУГЕ ӨТІНІМ
2. КОДТЫ ӘЗІРЛЕУ
3. АЛАҢДАРДЫҢ ТАЛАПТАРҒА СӘЙКЕСТІГІН ТЕКСЕРУ
4. ДЭ-ГЕ РҰҚСАТ БЕРУ
5. ТАПСЫРМАМЕН ТАНЫСУ ЖӘНЕ ЕҚ және ҚТ
6. ДЭ ТАПСЫРУ ЖӘНЕ НӘТИЖЕЛЕРДІ ТЕКСЕРУ
7. ФОРС МАЖОР ЖӘНЕ НӘТИЖЕЛЕРДІ РЕСІМДЕУ
8. САРАПШЫЛАРДЫҢ ҚОРЫТЫНДЫ ОТЫРЫСЫ ЖӘНЕ SKILLS PASSPORT БЕРУ

ДЭ ЖҮРГІЗУГЕ ӨТІНІМ
Дайындық кезеңі
• Демонстрациялық түрде біліктілік емтиханының форматын таңдау мүмкіндігі туралы студенттер арасында түсіндіру жұмыстарын жүргізу.
• Студенттерден демонстрациялық емтиханнан өтуге өтініштер қабылдау және біліктілік емтиханының форматын бекіту жөнінде педагогикалық кеңес өткізу.
Негізгі кезең
• Демонстрациялық емтиханнан өтуге үміткерлердің тізімін дайындау
• ДЭ жүргізу ережелері бойынша түсіндіру жұмыстарын жүргізу
• Емтихан тапсыратын студенттерді сараптамалық бағалау үшін әлеуметтік серіктестер мен жұмыс берушілерді іздеу, бұйрық шығару.
• EDU WSK бағдарламаларына кіру үшін өтініш беру, емтихан тапсырушылар мен сарапшылардың тізімін дайындау.

EDUWSK-пен жұмыс істеу жөніндегі Нұсқаулық